Manylion am yr amodau y mae'n rhaid i bob landlord ac asiant rheoli yng Nghymru sicrhau bod eu heiddo yn eu bodloni.
O dan Rhan 4 Deddf Rhentu Tai (Cymru) 2016 mae’n rhaid i Landlord sicrhau bod eiddo mewn cyflwr addas i bobl fyw ynddo.
Mae’r rhwymedigaethau yma wedi’u nodi yn Rheoliadau Rhentu Cartrefi (Ffitrwydd Annedd i Bobl Fyw Ynddi) (Cymru) 2022 sy’n nodi 29 mater sy’n pennu a yw annedd yn addas i bobl fyw ynddi.
Y rhain yw
1. Lleithder a Thwf Llwydni
2. Oer
3. Gwres
4. Asbestos a Ffibrau Mwynau Synthetig
5. Bywleiddiaid
6. Carbon monocsid a chynhyrchion hylosgi tanwydd (nitrogen diocsid, sylffwr diocsid a mwg)
7. Plwm
8. Ymbelydredd
9. Nwy tanwydd nas hylosgwyd
10. Cyfansoddion organig anweddol
11. Gorlenwi a gofod
12. Tresmaswyr yn dod mewn
13. Goleuo
14. Sŵn
15. Hylendid domestig, plâu a sbwriel
16. Diogelwch bwyd
17. Hylendid personol, carffosiaeth a draeniau
18. Cyflenwad dŵr
19. Syrthio oherwydd baddonau ac ati
20. Syrthio ar arwynebau
21. Syrthio ar risiau ac ati
22. Syrthio rhwng lefelau
23. Peryglon trydanol
24. Tân
25. Fflamau, arwynebau poeth ac ati
26. Taro yn erbyn neu fynd yn sownd
27. Ffrwydradau
28. Safle amwynderau a’u gweithrediad ac ati
29. Dymchwel strwythurol ac elfennau'n disgyn
Mae’n rhaid i landlordiaid sicrhau bod amrywiaeth o dystysgrifau diogelwch yn cael eu cwblhau, bod copïau'n cael eu cadw a chopïau'n cael eu rhoi i ddeiliaid contract yn rhan o’u contract meddiannaeth. Y rhain yw:
- Tystysgrif Diogelwch Trydanol
- Tystysgrif Diogelwch Nwy
- Tystysgrif Perfformiad Ynni
- Prawf o ddiogelu blaendal
Os byddwch chi angen cyngor ynglŷn â chyflwr unrhyw eiddo, cysylltwch â’n Tîm Iechyd yr Amgylchedd yn HousingEnforcement@flintshire.gov.uk.