Alert Section

Creu Lleoedd yn Sir y Fflint

Mae Llywodraeth Cymru yn ei gwneud yn ofynnol i bob awdurdod lleol ar draws Cymru ddatblygu 'Cynlluniau Creu Lleoedd' i nodi sut byddant yn nodi, cynllunio a darparu prosesau Creu Lleoedd ym mhob un o'u canol trefi. Mae hyn yn golygu rhoi anghenion canol trefi yn y dyfodol wrth wraidd polisïau, prosesau gwneud penderfyniadau a chamau gweithredu lleol.

Mae Cyngor Sir y Fflint yn cydlynu datblygiad Cynlluniau Creu Lleoedd ar ran amrywiaeth o bartneriaid ar sail angen lleol pob canol tref ar draws Sir y Fflint.

Mae dull Creu Lleoedd Llywodraeth Cymru wedi’i alinio’n agos â’i ddull ‘Canol Trefi yn Gyntaf’ a lansiwyd yn 2020, sydd â’r nod o leoli gwasanaethau ac adeiladau mewn canol trefi i helpu i roi bywyd newydd i ganol trefi ar draws Cymru wedi pandemig Covid-19, gwerthiannau manwerthu sy’n gostwng a newidiadau i’r ffordd y caiff canol trefi eu defnyddio.

Pwrpas Creu Lleoedd yw cydlynu cynlluniau presennol a nodi materion mae pobl a lleoedd yn eu hwynebu, fel mannau cyhoeddus a mannau gwyrdd, siopau gwag, hygyrchedd ac anghenion masnachol a thai. Caiff hyn ei gyflawni trwy broses ymgynghori, yn ddigidol ac wyneb i wyneb a chaiff ei lywio gan ddata a dadansoddiad masnachol sy’n benodol i’r dref hefyd.

Mae gan bob un o ganol trefi Sir y Fflint wahanol anghenion oherwydd eu bod yn cynnwys cymysgedd unigryw o elfennau amgylcheddol, economaidd, cymdeithasol a diwylliannol, ac felly mae ganddynt wahanol gyfleoedd ar gyfer gweithgarwch Creu Lleoedd.

O ganlyniad i’r adborth o ymgynghoriadau digidol ac wyneb i wyneb a dadansoddiad dilynol, caiff amrywiaeth o flaenoriaethau eu nodi a fydd yn llywio cynllun gweithredu a gweledigaeth ar gyfer pob canol tref.

O’r canol trefi yn Sir y Fflint sydd angen Cynlluniau Creu Lleoedd, bydd y digwyddiadau ymgynghori cyntaf yn targedu Bwcle, Treffynnon a Shotton, a bydd Cei Connah, y Fflint, yr Wyddgrug a Queensferry yn dilyn o fewn y 2 flynedd nesaf.

Give My View

Mae’r pethau sy’n bwysig i chi’n bwysig i ni.

Taith Cynllun Creu Lleoedd


Cwestiynau Cyffredin

Beth yw Creu Lleoedd?

Pam mae ymgynghoriad yn cael ei gynnal?

Sut fydd canlyniadau’r ymgynghoriad yn cael eu defnyddio?

Pryd a ble fydd y canlyniadau ar gael?

Sut bydd y canlyniadau'n cael eu defnyddio?

Pryd mae’r digwyddiadau ymgynghori wyneb yn wyneb yn digwydd?

Ydy Cyngor Sir y Fflint yn cyflawni’r Cynlluniau Creu Lleoedd?

Beth os nad wyf yn gallu mynd at yr arolygon ar-lein?

Sut fydd unrhyw wybodaeth y byddaf i’n ei rhoi yn cael ei defnyddio?

Os oes gennych chi ragor o gwestiynau, mae croeso i chi anfon e-bost at regeneration@flintshire.gov.uk