Neidio i'r prif gynnwys Logo Cyngor Sir y Fflint

Alert Section

Cludiant Cymunedol

Ar y dudalen hon: 

Mae Cludiant Cymunedol yn ffurf ddiogel, hygyrch, cost effeithiol a hyblyg o deithio. Mae Cludiant Cymunedol yn bwysig i bobl nad oes ganddynt fynediad i gar na chludiant cyhoeddus. Hefyd mae’n hynod bwysig mewn ardaloedd gwledig a threfol, ac yn darparu ar gyfer amrywiaeth o anghenion a sefyllfaoedd.

Mae Cyngor Sir y Fflint yn cynnig y gwasanaethau canlynol:

Gwasanaeth Fflecsi

Mae Fflecsi yn wasanaeth newydd sy’n cael ei ddarparu gan Drafnidiaeth Cymru a gweithredwyr bysiau lleol.

I ddefnyddio’r gwasanaeth hwn, mae arnoch chi angen archebu o flaen llaw. Gallwch archebu drwy ap (sydd hefyd yn caniatáu i chi weld ble mae’ch bws), ar y wefan neu drwy ffonio 0300 234 0300.

Mae’r gwasanaeth ar gael i ardaloedd Treffynnon a Bwcle.

Cewch fwy o wybodaeth yn trc.cymru

Gwasanaethau i Apwyntiadau Meddygol

Gwasanaeth Ffonio a Theithio Sir y Fflint ar gyfer apwyntiadau meddygol y GIG O 2 Mehefin 2025

Gwasanaeth o ddrws i ddrws yw hwn ar gyfer preswylwyr Sir y Fflint nad ydynt yn gallu defnyddio cludiant cyhoeddus yn Sir y Fflint neu pan nad oes gwasanaethau cludiant cyhoeddus yn yr ardal y maen nhw’n byw ynddi. Gofynnir i breswylwyr gysylltu â’r darparwyr gwasanaeth canlynol yn y lle cyntaf:

Os nad oes cludiant ar gael gyda'r darparwyr gwasanaeth hyn, gall trigolion wedyn fynd ymlaen ag ymholiad am gludiant ar wasanaeth Ffonio a Theithio Cyngor Sir y Fflint.

Bydd y gwasanaeth yn cynorthwyo gyda theithio i Apwyntiadau’r GIG yn Sir y Fflint yn unig, ac eithrio Ysbyty Countess of Chester, Ysbyty Maelor Wrecsam ac Ysbyty Glan Clwyd gan nad oes ysbyty gydag adran ddamweiniau ac achosion brys yn Sir y Fflint.  Ni fyddai atgyfeiriadau i ysbytai eraill tu allan i’r sir (ar wahân i’r dair ysbyty a restrir uchod) yn gymwys.

Apwyntiadau cymwys

  • Apwyntiadau GIG yn Sir y Fflint
  • Apwyntiadau ysbyty
  • Deintydd GIG
  • Apwyntiadau Llygaid GIG
  • Prawf Y Fron Cymru
  • Pigiadau Covid yn Sir y fflint

Mae’n rhaid i chi roi o leiaf 24 awr o rybudd wrth archebu taith ac ni fydd unrhyw archebion a wneir ar ôl 16:00 yn cael eu cofrestru nes y diwrnod gwaith nesaf.  Efallai y byddwch angen prawf o’r apwyntiad wrth archebu.

Ffioedd

Mae’r gwasanaeth hwn ar gyfer aelodau yn unig, gyda ffi danysgrifio flynyddol o £20.

Gallwch dalu dros y ffôn neu drwy siec yn daladwy i ‘Cyngor Sir y Fflint’.

Yna bydd ffi i bob siwrnai o £2.50 am hyd at 5 milltir ac yna 50c fesul milltir ar ôl 5 milltir.

Wrth gofrestru, bydd gofyn i aelodau ateb y cwestiynau canlynol er mwyn sicrhau eu bod yn bodloni’r meini prawf i ddefnyddio’r gwasanaeth:

  • Ble ydych chi’n byw?
  • I le rydych chi’n teithio?
  • Beth yw pwrpas y daith?
  • Ai hwn yw’r tro cyntaf yr ydych chi wedi gorfod gwneud y daith hon?
  • Oes yna gar y gallwch chi ei ddefnyddio?
  • Allwch chi ddefnyddio gwasanaeth bws?
  • Os ydych chi’n mynd i apwyntiad yn yr ysbyty, a ydych chi’n gymwys i ddefnyddio Gwasanaeth Cludiant Claf Gwasanaeth Ambiwlans Cymru?

Gallwch wneud cais i fod yn aelod o Wasanaeth Ffonio a Theithio Cyngor Sir y Fflint drwy ffonio’r Gwasanaethau Stryd ar 01352 701234 (rhwng 9am a 5pm dydd Llun i ddydd Gwener).