Biniau graean

Mae gennym ni tua 500 o finiau/tomenni halen ar draws y sir. Rydym wedi eu gosod mewn lleoedd lle rydym yn gwybod y gallai fod yna broblemau, fel bryniau serth, troadau llym a chyffyrdd anodd. Maent yn cael eu gosod yn seiliedig ar feini prawf a gymeradwywyd gan Aelodau.

Ail-lenwi biniau graean

Bydd yr holl finiau halen yn cael eu llenwi ar ddechrau tymor y gaeaf a’u hail-lenwi eto ar ôl tywydd difrifol, cyn belled â bod halen bras ar gael a bod ei angen.

Nid darparu graean ar gyfer troedffyrdd a rhodfeydd preifat yw pwrpas y biniau. Defnyddiwch nhw ar gyfer troedffyrdd cyhoeddus yn unig a lle mae yna broblem ar y ffordd. Os gwelwch bobl yn gwagio symiau mawr o halen o’r biniau hyn neu os ydych yn meddwl ein bod wedi methu bin wrth ail-lenwi, rhowch wybod i ni gyda chymaint o wybodaeth ag sy’n bosibl.

Gall y graean bras iawn sydd yn y biniau hyn ddifrodi rhodfeydd preifat sydd ag wynebau llai gwydn nag wynebau priffyrdd, felly os ydych yn ei ddefnyddio gallech orfod talu am waith i drwsio eich rhodfa yn y pen draw. Os ydych yn cyflogi rhywun i raeanu eich rhodfa, gofynnwch iddyn nhw o ble mae’r graean wedi dod. Gellir prynu graean addas yn y rhan fwyaf o siopau DIY/nwyddau metel neu fasnachwyr adeiladu.

Mathau o finiau graean

Biniau graean melyn

Mae biniau graean melyn yn cael eu hail-lenwi gan y Cyngor.

Dylech ofyn i ni ail-lenwi’r biniau hyn.

Cysylltwch â Gwasanaethau Stryd

Biniau graean gwyrdd

Mae biniau graean gwyrdd yn cael eu hail-lenwi gan y Cyngor Tref a Chymuned.

Dylech ofyn i’ch Cyngor Tref / Cymuned ail-lenwi’r biniau hyn.

Chwilio am fy Nghyngor Tref/Cymuned

Darparu mwy o finiau graean

Mae pob bin graean yn costio £135 i’w gyflawni a £60 i’w lenwi. Byddwn yn ystyried ceisiadau am finiau halen newydd mewn mannau y gwyddom sy’n broblemus ar briffyrdd cyhoeddus os oes angen ac os oes adnoddau ar gael. Bydd angen i unrhyw safleoedd newydd ateb y meini prawf ym mholisi’r Cyngor ar gyfer cynnal a chadw yn y gaeaf.

Bydd pob cyngor cymuned yn gallu prynu biniau graean a halen bras gan y Gwasanaethau Stryd er mwyn cefnogi gwasanaeth cynnal a chadw yn y gaeaf y Cyngor. Mae’r biniau halen sy’n cael eu prynu gan gynghorau cymuned a’u gosod ar briffyrdd mabwysiedig, gyda chymeradwyaeth y Gwasanaethau Stryd, yn wahanol i finiau halen y Gwasanaethau Stryd ac maent yn cael eu cynnal a’u cadw gan y cynghorau cymuned.

Fandaliaeth a Dwyn

Mae biniau graean yn aml yn cael eu fandaleiddio. Os yw hyn yn achosi niwsans annioddefol, gallwch ofyn i ni gael gwared ar y bin. Bydd angen i drigolion eraill gytuno â hyn.

Os cewch eich dal yn dwyn graean, cewch eich erlyn.

Rhoi gwybod am fin graean gwag neu fandaliaeth i fin graean

I roi gwybod am fin graean gwag neu fandaliaeth i fin graean, cysylltwch â Gwasanaethau Stryd.