Bydd darpariaeth gofal plant sydd wedi bod yn gweithredu ers dydd Llun, 30 Mawrth, yn parhau yn ystod gwyliau ysgol y Pasg - gan gynnwys Gwyliau’r Banc - ar gyfer gofal plant i weithwyr allweddol a dysgwyr diamddiffyn.

Bydd y Cyngor yn parhau i weithredu'r system “canolfan” o ysgolion cynradd, uwchradd ac arbennig sydd wedi'u lleoli'n strategol, yn agos at brif lwybrau traffig mewn ardaloedd trefol a gwledig.

Bydd cludiant ysgol a phrydau ysgol am ddim yn parhau i weithredu fel y gwnaethant yn ystod yr wythnos a oedd yn dechrau 30 Mawrth. Bydd hyn yn parhau nes bydd rhybudd pellach ac yn cynnwys Gwyliau’r Banc.

Dylai ysgolion barhau i ddarparu gofal i nifer mor fach o blant ag sy’n bosibl - plant sy'n agored i niwed a phlant y mae eu rhieni yn hanfodol ar gyfer yr ymateb i Covid-19 ac nad oes modd gofalu amdanynt yn ddiogel gartref.

Yn y cartref y dylid gofalu am bob plentyn os oes modd gwneud hynny’n ddiogel, a dim ond lle nad oes dewis diogel arall y dylid gwneud darpariaeth mewn ysgolion neu leoliadau eraill. Os ydych wedi’ch pennu’n weithiwr hanfodol ond bod modd i chi wneud rhannau hanfodol eich swydd wrth weithio o’ch cartref, yna dylech wneud hynny. Os yw un rhiant yn weithiwr hanfodol ond nad yw’r llall, yna dylai’r rhiant nad yw’n weithiwr hanfodol ddarparu trefniadau diogel eraill yn y cartref lle bo’n bosibl.

Dim ond i blant y mae eu rhieni yn chwarae rhan hanfodol yn yr ymateb i Covid-19 y dylid cynnig lleoedd mewn ysgolion/lleoliadau pan nad oes darpariaeth amgen ddiogel. Caiff lleoedd eu blaenoriaethu ar gyfer rhieni sengl sy’n weithwyr allweddol neu pan fo’r ddau riant yn weithwyr allweddol.

Mae penaethiaid wedi cael awdurdod i ofyn i rieni ddangos llythyrau gan eu cyflogwr i gadarnhau bod eu rôl wedi’i gyfrif fel rôl hanfodol.

 

Achosion brys o gau ysgolion:

Mewn achosion brys o gau colegau, ewch i wefan pob coleg unigol.

Penderfyniad y cyrff llywodraethu perthnasol a'u pennaeth yw cau ysgol neu beidio. Mae penderfyniadau'n cael eu gwneud yn dilyn asesiad risg unigol mewn perthynas ag amodau'r safle ac mewn rhai achosion, argaeledd cludiant i'r ysgol. Os nad yw'r ysgol wedi ei rhestru isod, nid oes penderfyniad wedi'i wneud hyd yma.

Efallai bod rhagor o wybodaeth ar gael ar wefan eich ysgol.

Cludiant i'r ysgol yn ystod tywydd gwael:

Os yw eich plentyn / plant yn gymwys i dderbyn Cludiant Am Ddim i'r Ysgol, ewch i dudalen we Cludiant i'r Ysgol am wybodaeth o ran amodau tywydd gwael. Ewch i www.flintshire.gov.uk/schooltransport neu ffoniwch Tîm Cludiant i'r Ysgol Sir y Fflint ar 01352 701234. Ar gyfer trafnidiaeth gyhoeddus, dylai teithwyr wirio gyda darparwyr trafnidiaeth cyn teithio neu gysylltu â Thîm Trafnidiaeth Sir y Fflint ar 01352 701234 neu Traveline Cymru ar 0800 4640000.

Enwr Ysgol	Rheswm dros Gau	Caun Llawn/Rhannol	Diweddarwyd Ddiwethaf	Dyddiad Caur Ysgol
Trelogan - Ysgol Gynradd Trelogan	Dim Gwresogi	Llawn	21/11/2024 08:25	21/11/2024