Sut mae'r ardaloedd wedi'u dewis?

Mae Awdurdodau Lleol yn targedu ehangiad tuag at gymunedau nad ydynt eisoes yn rhan o’r rhaglen Dechrau’n Deg. Darllenwch pryd all eich plentyn fod yn gymwys ar gyfer cyllid ar llyw.cymru.

Pryd gall fy mhlentyn ddechrau mewn gofal plant?

Mae cyllid ar gael o'r tymor ar ôl eu hail ben-blwydd i'r tymor ar ôl eu trydydd pen-blwydd. 

Sawl awr y mae gan fy mhlentyn hawl iddo?

2.5 awr y dydd, 12.5 awr yr wythnos, ddydd Llun i ddydd Gwener yn ystod y tymor yn unig hyd at 39 wythnos y flwyddyn.  

Gweld dyddiadau tymor Sir y Fflint

A oes unrhyw gost i mi?

Na, mae Dechrau'n Deg / Llywodraeth Cymru yn talu am y sesiynau gofal plant

Ble gall fy mhlentyn fynychu?

Mae cyllid ar gael i ddarparwr cofrestredig Dechrau’n Deg, gall fod yn warchodwr plant, cylch meithrin, meithrinfa ddydd breifat neu gylch chwarae. 

A all fy mhlentyn fynd i leoliad Cymraeg?

Gallent, mae nifer o gylchoedd yn Sir y Fflint. Darllenwch i Buddion Gofal Plant Cyfrwng Cymraeg.

Beth mae’n ei olygu i fod yn lleoliad cofrestredig Dechrau’n Deg?

Rhaid i leoliad Dechrau'n Deg fod o ansawdd uchel. Mae hyn yn golygu eu bod wedi’u cofrestru a’u harolygu gan Arolygiaeth Gofal Cymru a:

• Bod â staff profiadol a chymwys iawn
• Yn cael ymweliad a chefnogaeth gan Athro Ymgynghorol
• Darparu amgylchedd gofalgar ac ysgogol

Beth ydi manteision fy mhlentyn yn mynychu gofal plant?

Bydd eich plentyn yn cael cyfleoedd i:

• Chwarae gyda phlant eraill
• Datblygu eu sgiliau mewn llawer o wahanol feysydd
• Chwarae yn yr awyr agored
• Dod yn ddysgwyr annibynnol
• Siarad a chlywed Cymraeg
• Cael eu hanghenion unigol eu hunain wedi’u diwallu
• Cael hwyl!

Beth os ydw i’n gweithio, ydw i’n dal yn gallu hawlio?

Ydych, prif amcanion ehangu gofal plant Dechrau’n Deg ydi sicrhau bod plant yn cael y dechrau gorau posib’, mynd i’r afael â thlodi ac amddifadedd a chynyddu darpariaeth gwasanaethau gofal plant a chynyddu nifer y lleoliadau gofal plant Cymraeg. Ond gall darparu lleoliadau gofal plant wedi’u hariannu i blant dwy oed hefyd alluogi rhieni i fynd i weithio neu fanteisio ar gyfleoedd hyfforddiant neu addysg na fyddai modd iddynt wneud hynny fel arall.   Yn ogystal, gall y ddarpariaeth hon gwrdd â rhywfaint o gostau gofal plant y rheiny sy’n gweithio llawn amser os ydi’r plant yn mynd i leoliad sydd wedi cofrestru â Dechrau'n Deg. 

• Alltami
• Bagillt
• Brychdyn
• Bwcle
• Cei Connah
• Coed-llai
• Ewlo
• Garden City
• Gronant
• Gwernaffield
• Holway
• Maes Glas
• Mancot
• Mynydd Isa
• Penarlag
• Pen-y-ffordd
• Pharc Diwydiannol Glannau Dyfrdwy
• Saltney
• Saltney Ferry
• Shotton
• Shotton Uchaf
• Treffynnon
• Treuddyn
• Y Fflint
• Yr Wyddgrug

Mae Dechrau’n Deg yn ariannu darpariaeth gofal plant i blant 2 flwydd oed o’r tymor ar ôl eu pen-blwydd yn ddwy oed, tan ddiwedd y tymor ar ôl eu pen-blwydd yn dair oed.  Bydd data personol yn cael ei brosesu gan Gyngor Sir y Fflint at ddibenion penodol o weinyddu, monitro a rheoli Gofal Plant Dechrau’n Deg.  Gall ‘data personol’ ymwneud â’r rhiant/rhieni neu blant/plentyn. Mae angen prosesu eich data personol fel rhan o’n Tasg Gyhoeddus a ddiffiniwyd gan Lywodraeth Cymru a budd sylweddol y cyhoedd er mwyn cyflwyno rhaglen Dechrau’n Deg Llywodraeth Cymru yn Sir y Fflint.

Mae’n rhaid i Ddechrau’n Deg a’r lleoliad gofal plant rydych wedi’i ddewis rannu data personol, a fydd yn gyfyngedig i’r hyn sy’n angenrheidiol i ddarparu’r rhaglen yn unig. 

Mae Tîm Gofal Plant Dechrau'n deg yn cefnogi darpariaeth gofal plant ar gyfer plant sy’n cael eu hariannu drwy Dechrau’n Deg, ac er mwyn gwneud hyn, fe all rannu gwybodaeth berthnasol am blant sydd wedi’u cofrestru/ariannu, yn cynnwys eu presenoldeb mewn lleoliadau a/neu eu datblygiad gyda gwasanaethau eraill megis:

• Ymwelwyr Iechyd
• Cyfle Cynnar
• Blynyddoedd Cynnar a Chefnogi Teuluoedd
• Cynhwysiant
• Seicoleg
• Staff ysgolion Sir y Fflint
• Gwasanaeth Cefnogi Synhwyrau Gogledd Ddwyrain Cymru
• Gwasanaeth Iaith a Lleferydd
• Tîm Datblygu Cyn Ysgol Sir y Fflint

Pan fo angen, ac er mwyn cefnogi dysgu a lles eich plentyn, fe all Tîm Gofal Plant Dechrau’n Deg hefyd rannu gwybodaeth sydd wedi’i gasglu gan y gwasanaethau uchod gyda’r lleoliad gofal plant y mae’ch plentyn yn ei fynychu.

Bydd Cyngor Sir y Fflint yn cadw eich data nes pen blwydd eich plentyn yn 4 oed ac am gyfnod o 6 blynedd ar ôl y dyddiad hwnnw. Os ydych chi’n teimlo bod Cyngor Sir y Fflint wedi camddefnyddio eich data personol ar unrhyw adeg, gallwch gyflwyno cwyn i Swyddfa’r Comisiynydd Gwybodaeth drwy fynd i’w gwefan neu ffonio eu llinell gymorth ar 0303 123 1113.  I gael rhagor o wybodaeth am sut mae Cyngor Sir y Fflint yn prosesu data personol a’ch hawliau, darllenwch eu hysbysiad preifatrwydd ar ein gwefan.

https://www.siryfflint.gov.uk/cy/Resident/Contact-Us/Privacy-Notice.aspx