Amrywiaeth a Chydraddoldeb

Mae Cyngor Sir y Fflint wedi ymrwymo i hyrwyddo cydraddoldeb a dileu gwahaniaethu. Mae polisi Amrywiaeth a Chydraddoldeb y Cyngor yn nodi sut y byddwn yn dileu gwahaniaethu, datblygu cyfleoedd cyfartal a meithrin perthnasau da rhwng cymunedau.  Rydym hefyd wedi datblygu Cynllun Cydraddoldeb Strategol 2020-2024 i ddiwallu dyletswyddau cydraddoldeb sector cyhoeddus, mae'r cynllun yn cynnwys ein hamcanion cydraddoldeb a'r camau y byddwn yn eu cymryd i'w cyflawni.