Newyddion Diweddaraf Cyngor Sir Y Fflint
Cyngor yn adnewyddu 500fed eiddo
Published: 03/05/2016
Mae Cyngor Sir y Fflint yn dathlu ynghyd âu contractwr, Keepmoat, ar ôl
cwblhaur 500fed eiddo fel rhan o gynllun adfywio £103miliwn a fydd yn gwella
bywydau miloedd o denantiaid y cyngor ar draws y sir.
Bydd y gwaith, a ddechreuodd ym mis Ebrill 2015, yn golygu bod tua 3,000 o dai
syn eiddo ir cyngor yn cael eu diweddaru eleni gyda cheginau ac ystafelloedd
ymolchi newydd, ailweirio trydanol ac uwchraddio fel rhan o Safon Ansawdd Tai
Cymru (SATC). Mae SATC yn safon ansawdd genedlaethol ar gyfer cartrefi a
osodwyd gan Lywodraeth Cymru. Maen golygu y dylai pob tenant yng Nghymru gael
y cyfle i fyw mewn cartrefi o ansawdd da
syn cwrdd â gofynion y cartref.
Mae Cyngor Sir y Fflint yn gweithion galed i gyflawnir safon hon yn ei holl
eiddo cyn y dyddiad cau sef 2020.
Amlygir hyn gan y dathlu gydar 500fed preswylydd i gael adnewyddu ei hystafell
ymolchi ai chegin – dywedodd y preswylydd Mrs Jones:
“Rwyf wrth fy modd gydar gwaith sydd wedii wneud – roedd y gweithwyr yn
gwrtais ac yn gyfeillgar iawn ac yn gwneud yn siwr bod cyn lleied o amhariad â
phosibl. Roeddent yn gweithion effeithlon fel bod y gwaith yn cael ei gwblhau
yn gyflym.
Dywedodd Helen Brown, Aelod Cabinet Tai, Cyngor Sir y Fflint:
“Rydym yn gweithio gyda chontractwyr ardderchog ar ein cynllun SATC ac mae
Keepmoat wedi cwblhau gwaith rhagorol wrth gyflawni 500 o adeiladau yn
ardaloedd Bwcle a Threffynnon yn ystod y flwyddyn ariannol 2015-16. Byddwn yn
symud ymlaen i eiddo yng Nglannau Dyfrdwy, Bwcle ar Wyddgrug fel rhan o gam
nesaf y rhaglen a drefnwyd. Rydym yn edrych ymlaen at barhau’r gwaith hwn gyda
nhw dros y misoedd ar blynyddoedd i helpu i drawsnewid bywydau ein trigolion.
Meddai Frank Mondino, Cyfarwyddwr Ardal Keepmoat yn y Gogledd Orllewin:
“Mae hon yn garreg filltir wych. Mae pobl Caerwys wedi cydweithredu yn
anhygoel yn ystod y broses adnewyddu ac rydym yn falch bod trigolion fel Mrs
Jones nawr yn mwynhau eu cartrefi ar ôl gwneud y gwelliannau. Rydym yn falch
o fod wedi chwarae rhan wrth gyflwyno gweledigaeth Cyngor Sir y Fflint i
drawsnewid bywydau nifer sylweddol o drigolion.
Or chwith: Sean ODonnell Syrfewr Cytundebau Sir y Fflint, Stephen Hunt
Rheolwr SafleKeepmoat, Lynne Tetlow Cyswllt Tenantiaid Keepmoat, Mrs Jones ac
Cyng Helen Brown, Aelod Cabinet Tai