Newyddion Diweddaraf Cyngor Sir Y Fflint
Penderfyniad terfynol am ysgolion lleol
Published: 14/04/2016
Bydd Cabinet Cyngor Sir y Fflint yn dod i benderfyniad ynglyn â’r cynigion i
gau Ysgol Maes Edwin, Mynydd y Fflint ac Ysgol Llanfynydd pan fydd yn cyfarfod
ar 19 Ebrill.
Yn unol âr Cod Trefniadaeth Ysgolion statudol, dechreuodd cyfnod ymgynghori
ffurfiol ar 21 Hydref a daeth i ben ar 2 Rhagfyr 2015. Maer adroddiadau ar
gyfer Ysgol Maes Edwin ac Ysgol Llanfynydd yn cynnwys crynodeb or materion a
godwyd gan ymgyngoreion, ymateb i bob un or materion a godwyd, a barn Estyn yn
llawn (fel y’i darperir yn ei ymatebion ymgynghori) am rinweddau cyffredinol y
cynigion.
Penderfynodd y Cabinet yn y gorffennol fod Cynigion Statudol yn cael eu rhoi
i’r ddwy ysgol, ac fe gyhoeddwyd y rhain ar 29 Ionawr ac aethant ymlaen tan 26
Chwefror 2016.
O dan y Cod Trefniadaeth Ysgolion mae’r cynigion ar gyfer y ddwy ysgol yn cael
eu pennu gan Gabinet y Cyngor, yn hytrach na Gweinidogion Cymru.
Meddai Aelod Cabinet Cyngor Sir y Fflint dros Addysg, y Cynghorydd Chris
Bithell:
Rydym yn deall bod adolygu dyfodol unrhyw ysgol yn ddadleuol ac yn emosiynol.
Mae gan ddisgyblion, rhieni, gofalwyr ac athrawon, y gorffennol ar presennol,
gysylltiadau cryf ag ysgolion lleol ac meant yn rhan ou storïau bywyd. Fodd
bynnag yn y cyfnod anodd hwn, rydym yn wynebu sefyllfa heriol o orfod cydbwyso
sensitifrwydd teimladau’r gymuned ar y naill law â darparu addysg gynradd o
safon uchel sy’n fforddiadwy ac yn gynaliadwy. Ni all y Cyngor osgoi gwneud
penderfyniadau ar gyfer y dyfodol sydd er budd y disgyblion a’r myfyrwyr.
Yn ystod yr ymgynghoriad, archwiliwyd yr opsiwn i ffedereiddio, ond yn
anffodus nid oedd unrhyw un o’r ddwy ysgol yn gallu nodi ysgol arall a oedd yn
barod i bartneru neu ysgolion i ffedereiddio â nhw.
Byddwn yn sicrhau trosglwyddiad mor esmwyth ag sy’n bosibl ar gyfer yr holl
ddisgyblion, yn enwedig ar gyfer dysgwyr syn agored i niwed fel y rhai ag
Anghenion Dysgu Ychwanegol. Byddwn yn gweithio ochr yn ochr â disgyblion, eu
rhieni ac athrawon i wneud trefniadau pontio priodol ar gyfer disgyblion i
ymgyfarwyddo âu hamgylcheddau newydd.
Maer Cyngor wedi dangos bod digon o gapasiti yn y rhwydwaith ysgolion lleol i
ddarparu ar gyfer disgyblion o Ysgol Llanfynydd pe bai’n cau. Mae Estyn yn
cadarnhau’r farn hon yn ei ymateb. Fodd bynnag, gellir creu lleoedd ychwanegol
yn Ysgol Parc Y Llan, Treuddyn os oes angen, a hynny heb unrhyw gost neu gost
isel iawn i’r ysgol honno, ar gyfer pob un o ddisgyblion presennol Ysgol
Llanfynydd.
Mae digon o gapasiti yn y rhwydwaith ysgolion lleol hefyd ar gyfer disgyblion o
Ysgol Maes Edwin pe bai’n cau. Yn ôl Estyn, Maer awdurdod lleol wedi rhoi
rhesymeg glir ar gyfer y manteision disgwyliedig arfaethedig ou cymharu âr
sefyllfa bresennol mewn perthynas â chyllid, lleoedd dros ben ar dilyniant a’r
cynnydd yn nysgur disgyblion.
Dywedodd Prif Swyddog Addysg Cyngor Sir y Fflint, Ian Budd:
Mae canran y lleoedd dros ben yn ysgolion Sir y Fflint yn dal i fod yn uwch na
tharged Llywodraeth Cymru o 10%. Gan fod cyllid ar gyfer ysgolion yn cael ei
seilio’n bennaf ar niferoedd disgyblion, mae lleoedd dros ben yn golygu fod swm
anghymesur o arian yn cael ei wario ar y seilwaith (megis adeiladau) a chostau
sefydlog sy’n gysylltiedig â rhedeg ysgol (megis arweinyddiaeth a gweinyddu).
Mae angen i ni sicrhau fod cyllid refeniw addysg yn cael ei ddefnyddio i
sicrhau fod y cymarebau disgybl:athro yn cael eu cadw ar lefel briodol i wneud
gwahaniaeth uniongyrchol i ddysgwyr. Gan fod cyllid gwasanaethau cyhoeddus yn
lleihau a chostau ysgolion yn parhau i godi, o ganlyniad i newidiadau yn
yswiriant gwladol a phensiynau athrawon, mae’r angen i ail-flaenoriaethu a
newid yn bwysicach fyth.
Rydym yn cydnabod yn llwyr bod angen i gymunedau ysgolion ar awdurdod lleol
weithio gydai gilydd i gynorthwyo dysgwyr trwy gyfnod heriol o newid.
Mae ymateb ffurfiol Estyn ir ymgynghoriad yn cadarnhau barn yr arolygiaeth
annibynnol bod y cynnig hwn yn debygol o gynnal safonau presennol y
ddarpariaeth addysg yn yr ardal o leiaf.