Newyddion Diweddaraf Cyngor Sir Y Fflint

Cytundeb mewn egwyddor wedi’i gytuno ar gyfer gwasanaethau hamdden Sir y Fflint

Published: 16/07/2024

Mae Cyngor Sir y Fflint a Hamdden a Llyfrgelloedd Aura Cyf. wedi cytuno mewn egwyddor ar y sail ar gyfer trefniant estynedig pellach ar gyfer gwasanaethau hamdden, llyfrgelloedd, chwarae, ac amgueddfeydd yn y sir. 

Mae hyn yn dilyn trafodaethau hir rhwng y Cyngor ac Aura, gyda mwy o waith manwl i’w ddatblygu dros y misoedd nesaf.

Meddai Arweinydd Cyngor Sir y Fflint, y Cynghorydd Ian Roberts:  “Rydym yn cydnabod ac yn gwerthfawrogi’r gwasanaethau lleol y mae Aura wedi’u darparu ers 2017 ac rwyf yn falch iawn i nodi ein bod, yn dilyn trafodaethau pellach, wedi cyrraedd y sefyllfa hon. Gobeithio y gallwn roi hyder i breswylwyr a gweithwyr Aura ar ddyfodol y gwasanaethau hyn yn y misoedd i ddod.”

I ganiatáu amser ar gyfer datblygu’r trefniadau tymor hwy, a chynnal gwaith cysylltiedig, mae dau gytundeb tymor byr newydd wedi cael eu llofnodi gan y Cyngor ac Aura.