Sir y Fflint yn Cysylltu

Mae ein Canolfannau Cyswllt yn werthfawr iawn, yn arbennig i bobl sy’n ei chael yn anodd mynd ar-lein neu ddefnyddio’r ffôn, ond ers pandemig COVID-19 nid oes cymaint o bobl yn eu defnyddio.

Ar hyn o bryd rydym yn adolygu’r gwasanaeth a hoffem glywed eich safbwyntiau a barn ar sut allai’r Canolfannau Cyswllt gael eu defnyddio i fodloni eich anghenion chi a phobl eraill yn ein cymunedau lleol.

Mae gan Gyngor Sir y Fflint bum Canolfan Gyswllt - fel siopau un alwad - sy’n darparu cymorth wyneb yn wyneb ar ystod o wasanaethau’r Cyngor a chymorth digidol i’r rhai sydd ei angen.

Mae Canolfannau Cyswllt ar agor rhwng 9am a 4.30pm ar y dyddiau canlynol:

Bwcle: Dydd Mawrth, dydd Mercher, dydd Iau

Cei Connah, y Fflint a Threffynnon: Dydd Llun i ddydd Gwener

Yr Wyddgrug: Dydd Llun, dydd Mercher, dydd Gwener

Mae rhai Canolfannau Cyswllt yn rhannu gofod gyda gwasanaethau cyhoeddus eraill megis Heddlu Gogledd Cymru a’r Ganolfan Waith.

Ceir rhagor o wybodaeth am Ganolfannau Sir y Fflint yn Cysylltu y Cyngor yma.

Mae’r arolwg yn agored i bawb. Gall preswylwyr nad ydynt yn gallu llenwi’r arolwg ar-lein fynd i unrhyw un o Ganolfannau Sir y Fflint yn Cysylltu lle bydd modd cael cefnogaeth.

Drwy rannu eich safbwyntiau a’ch barn, byddwch yn helpu i lywio ein hadolygiad.

Ar ôl i ni ystyried yr holl adborth a gwneud ein penderfyniadau byddwn yn cyhoeddi’r canlyniadau ar y wefan.

Mynd i’r arolwg (external link)