Mae’r Polisi Gwastraff Gweladwy yn ceisio annog trigolion i ddidoli eu gwastraff i’w ailgylchu, fel y gallwn osgoi anfon deunyddiau gwerthfawr i’w llosgi. Mae gennym oll Ddyletswydd Gofal i gael gwared ar ein deunydd ailgylchu a’n gwastraff yn gywir.

Cynyddodd y targed statudol ar gyfer faint o wastraff sy’n cael ei baratoi i’w ailddefnyddio, ei ailgylchu a’i gompostio i 70%, ar ôl cael ei osod ar 64% yn y blynyddoedd blaenorol fel rhan o Strategaeth “Mwy nag Ailgylchu” Llywodraeth Cymru. 

Fodd bynnag, fel Cyngor, nid yw Sir y Fflint wedi llwyddo i gyflawni’r targedau statudol ers 2019 a, heb newid sylweddol i wasanaethau, ni fydd yn cyrraedd y targed o 70% sy’n ofynnol.

Gallai hyn arwain at gosbau ariannol sylweddol pellach gan Lywodraeth Cymru, y disgwylir iddynt fod yn fwy nag £1miliwn eisoes.

Bydd y polisi gwastraff gweladwy yn cael ei gyflwyno mewn Canolfannau Ailgylchu Gwastraff y Cartref o 1 Ebrill 2025, cynghorir pob preswylydd i ddidoli eu gwastraff cyn mynd i’r safle a sicrhau bod eu gwastraff yn weladwy wrth gyrraedd.

Trefnwch wastraff i’w ailgylchu o ddeunyddiau na ellir eu hailgylchu gartref fel y gallwch chi, pan fyddwch chi'n ymweld â'r Ganolfan, ei roi yn syth yn y biniau cywir.  Bydd hyn yn gwneud eich ymweliad yn gyflymach ac yn haws.

Byddwch yn barod i agor bagiau y byddwch chi'n dod â nhw i'r Ganolfan i ddangos i'n tîm nad ydyn nhw'n cynnwys deunydd i’w hailgylchu. Os ydynt, efallai y gofynnir i chi ddychwelyd adref a didoli.

Dim ond eitemau na ellir eu hailgylchu a ganiateir yn sgip weddilliol Gwastraff y Cartref.

Mae gennym oll Ddyletswydd Gofal i gael gwared ar ein deunydd ailgylchu a’n gwastraff yn gywir. Rydym yn cynnig gwasanaeth ailgylchu helaeth trwy ein casgliadau ymyl y ffordd a Canolfannau Ailgylchu. Os byddwn i gyd yn cymryd y camau cywir ni ddylai fod unrhyw gynnydd mewn lefelau gwastraff a/neu dipio anghyfreithlon.

Mae tipio anghyfreithlon yn drosedd.  Bydd tîm gorfodi’r Cyngor yn ymchwilio i unrhyw unigolion nad ydynt yn ymdrin â’u gwastraff yn gyfrifol ac yn cymryd rhan mewn tipio anghyfreithlon ac fe allent wynebu dirwyon sylweddol.

Nid yw Cynghorau eraill yng Nghymru sydd wedi cyflwyno polisi Gwastraff Gweladwy yn eu Canolfannau Ailgylchu Gwastraff y Cartref wedi profi cynnydd mewn deunyddiau tipio anghyfreithlon.

Sicrhewch fod unrhyw eitemau sensitif yn cael eu gwahanu cyn dod i'r safle.

Na. Mae gennym oll Ddyletswydd Gofal dros ein deunyddiau ailgylchu a'n gwastraff ein hunain felly eich cyfrifoldeb chi yw eu didoli cyn mynd i mewn i'r safle.

Os nad yw gweithwyr yn gallu gweld cynnwys y gwastraff, ac na allwch ddidoli'n ddiogel i'r sgipiau cywir, gofynnir i chi adael y safle a gallwch ddychwelyd unwaith y bydd y deunyddiau ailgylchu a gwastraff wedi'u didoli.

Gall preswylwyr gael cymaint o focsys / bagiau ailgylchu ag sydd eu hangen arnynt i sicrhau bod yr holl wastraff ailgylchadwy yn gallu cael ei roi allan i'w gasglu.

Cais Ailgylchu Eitemau / Gwastraff