Menter Gymdeithasol
Mae mentrau cymdeithasol yn gweithredu yn yr un ffordd â busnesau masnachol, drwy gystadlu yn y farchnad a chreu elw drwy fasnachu.
Fodd bynnag, mae’r elw a gynhyrchir gan gwmni masnachol yn mynd i’r perchnogion a’r budd-ddeiliaid, ond caiff yr elw a gynhyrchir gan fentrau cymdeithasol ar y llaw arall ei ddefnyddio i fynd i'r afael â materion cymdeithasol.
Bydd gan fenter gymdeithasol synnwyr clir o “bwrpas cymdeithasol,” hynny ydi y gwahaniaeth y mae’r fenter yn ceisio ei wneud, pwy mae’n anelu at eu helpu a sut mae’n bwriadu gwneud hynny.
Cliciwch ar y ddolen hon i weld manylion Pecyn Cymorth Effaith Gymdeithasol arloesol Sir y Fflint sydd wedi’i ddatblygu mewn partneriaeth rhwng Cyngor Sir y Fflint a Phartneriaeth Menter Gymdeithasol Sir y Fflint.
Crynodeb y Crynodeb o'r Grŵp Llywio Adrodd ar Effaith
Mae’r pecyn cymorth hwn yn dangos gwerth ariannol effaith y gwaith y mae mentrau cymdeithasol yn ei wneud er budd cymdeithas a phobl Sir y Fflint a thu hwnt.
Prawf Menter Gymdeithasol
Er mwyn bod yn gymwys fel menter gymdeithasol, mae’n rhaid i fusnes:
- Fod ag amcanion cymdeithasol a/neu amgylcheddol clir
- Cynhyrchu’r mwyafrif o’u hincwm drwy fasnachu
- Ail-fuddsoddi'r mwyafrif o'u helw yn ôl i'w hamcanion cymdeithasol
- Bod yn annibynnol ar y wladwriaeth
- Cael ei reoli i gyflawni ei genhadaeth gymdeithasol
- Bod yn atebol ac yn dryloyw
Mae Cyngor Sir y Fflint wedi ymrwymo’n gadarn i’r angen am economi leol gryf a chadarn ac yn cydnabod cyfraniad Mentrau Cymdeithasol i’r gymuned.
Rydym yn awyddus i gefnogi Mentrau Cymdeithasol a darparu ystod gynhwysfawr o gymorth busnes, gan gynnwys:
- Cynllunio Busnes
- Rhagolygon ariannol
- Nodi, datblygu a mabwysiadu strwythurau llywodraethu addas
- Cofrestru Busnes
- Paratoi ar gyfer buddsoddi
- Cymorth tendro
- Mentora tîm ac 1 i 1
- Diagnosteg busnes
- Ceisiadau am wobrau
Swyddog Arweiniol Datblygu Mentrau Cymdeithasol, Mike Dodd
Ffôn - 01267 224923
E-bost - Mike.Dodd@siryfflint.gov.uk
Astudiaethau Achos